آنتونی رابینز کیمدیر ؟

اوشاقلیقی وارسیزلیق  و پولسوزلوقلا باشا وئرن اوغلان  بو گون دونیانین ان سعادتلی هابئله حیاتی موقفیتله دولو بیر کس دیر . ایندی او دونیا اوزه رینده اؤز سؤزلری ـ دانیشیغی ایله ان چوخ ائتگی بوراخان (تاثیر قویان )  هابئله ان شورلو اؤیرتمنلردن بیری دیر . اونون کتابلاری ، کاسئتلری دونیادا لاپ چوخ ساتیش مقامینی قازانیب ائله جه ده قوردوغو سمینارلاردا  چوخلو اینسانلار ایشتیراک ائدیرلر .

* سیزین نئجه یاشاماغینیز تصمیم توتان آنلاردا آیدینلاشیر .

* من بونو باشا دوشموشم کی اینسان دا اولان گوجلر (قوه لر ) ائله یه بیلر بیر آندا اونون یاشاماغین بیر اوزدن باشقا اوزه چئویرسین . من اؤیرنمیشم کی رؤیالاریمیزی گرچکلییه چئویرن گوجلر تام اؤز ایچیمیزده گیزله نیب آنجاق او گونو گؤزله ییرلر کی بیز یوخودان اویانماغا هابئله یاشاماقدان حاقلاریمیزی ایسته مه یه جدی شکیلده دوشونک  .

* بئله دوشونسه نیز کی بیر ایشین عهده سیندن گله بیلرسیز یا گله بیلمزسیز ، هر ایکی فورمادا دا دوز دوشونموسونوز .

* دونیادا هئچ نه یین معناسی یوخدور او زامانا قدر کی اینسان اونا معنا وئرمه ییب .

* یول آختارساز تاپیلار .

* 5 یادا آلتی «یوخ» جوابینی ائشیتمه یه دؤزه بیلسز ، اوندا هم پوللو اولا بیلرسیز همده باشقالارینین یاشاماغین دییشدیره بیلرسیز آنجاق بیر چوخ اینسانلار اوچ دانا «یوخ» جوابینی ائیشتمه یه ده تحمل لاری یوخ دور .

* شورلو اولماق منیم بوتون ایشلریمین آچاری دیر . منیم دانیشماغیمدادا هر زامان بو شور آدینجاسینا دویولور .

* دوغرو تصمیم اودور کی بوتون ایشلردن ال چکیب ، تکجه او ایشی دوشونه سیز کی یئرینه یئریتمه یینه فیکیرلشمیسیز .

* اوره یینیز ایسته ین ایشی اوره یینیز ایسته ین زاماندا اوره یینیز ایسته ین شخص لرین یاردیمی ایله اوره یینیز ایسته ین قدر  گؤرمه یه « موفقیت » دئیر .

* چوخلو اینسانلار بیلمیرلر کی اؤزلرینده اولان گوجلر هابئله ایمکانلاری بیر یول یا ایشه توپلاسالار بیر آندا نه بؤیوک بیر گوجه ال تاپا بیلرلر .

* بؤیوک اینسانلار یارانمازلار ، بسله نرلر .

سوزلر : آنتونی رابینز

تورکجه یه چئویرن : بابک قوجازاده

بو یازی تبریزده نشر اولونان سهیل هفته نامه سینده چاپ اولموشدور