فرانك ائل قيزي هامي اوچون ده تانيش اولماسا آما اينترنت دونياسيندا توركجه وبلاگ يازانلارا تانيش بير آد دير . فرانك بير نئچه آي دير كي اينترنت دونياسينا آياق قويوب و ائله همين بو يئرده سئوگي شعرلري و باياتيلاري سئچيب يازماغا جان آتيبدير و بو يولدا چوخلو اوغورلار قازانيبدير . هله ليك فرانك ائل قیزی آدلي وبلاگيندا باشقا شاعيرلرين شعرلريني سئچيب يازماغا قناعت ائدير . آنجاق بو ياخينلاردا اونونلا تئلئفوندا دانيشديب و اوندان يازي يازماغي خواهيش ائدندن سونرا ياخيندان گؤروشوموز اولان گون اؤزو ايله ايكي يازي گتيردي . ائله منيم اوتاغيمدا اولان بيلگي سايارين داليندا اوتوروب اؤز يازيلاريني باشقا بير كاغاذا كؤچوروب منه وئردي . داها دوغروسو چوخ سئوديم . حقيقتا گؤزل يازير . بونو منیم دئییمیمدن يوخ بلكه سيز اؤزونوزده  اونو يازيلارين اوخويادا  اونون نئجه  گؤزل يازماسینی گوره جکسینیز . سؤزو چوخ اوزاتماق ياخشي دئييل . بو سيز و بودا فارنك ائل قيزي دان بير يازي :                                                 

اگر سئونلرين سونو آيريليق ديرسا قيسمت ائله مه سئوگيني اينسانلارا . قوي ياشاسينلار اينسانلار تك تك . سئوگي معناسيني دوشونمه سينلر . بير بيرلرينه اورك وئريب سئويشمه سينلر . رؤيالاردادا بيرلشمه سينلر . سئوگي لري سونا چاتاندا دئيه اوركلرينين سينماق سسي ايله آغلاماسينلار . هيجران دردينه دوشوب خوش گونلري خاطيرلاماسينلار . ائتمه ظولوم ، وئرمه بو دردي اينسانلارا ، سئومه يي آنلاتما اونلارا . قوي عؤمورلوك يالنيز قالسينلار ، آنجاق هئچ زامان حسرتله ياشاماسينلار . يالواريب گوز یاشی تؤكورم قارشيندا سنين . ائتمه بو ظولمو ائتمه آي سئوگي تانريجيغيم ...

(يازان : فرانك ائل قيزي )