بو شعری منیم سسیمله ائشیدین (Download Now)

هله ده او گؤزلر منيم چون دنيز
هله دوننلرده ياشار "ايكيميز"
سن منسيز
من كيمسه سيز
گزيريك هله ...
كوچه ميز سنسيز
تبريزيم سنسيز
هر نه ييم سنسيز
بير آدديم اوزاقدا
دايانميسان سن
سون گؤروش اولدو
بو آخشام بيزه
اوزاقلار حاليما
يامان اوخشايير
اؤتوشن آيلاريم
ايللريم سنسيز
بير آدديم اوزاقدا
ايتيب گؤزومدن
هارا گئتدين بوردان تله سيك آي دوست ؟
بير آدديم اوزاقدا
اوره ييم چيرپير
اوره ييم الينده
اللريم سنسيز
هله ده سنسيزم
هله ده سنسيز
اللريم ـ قوللاريم
گؤزلريم سنسيز
هر گئجه گؤردويوم
رؤيالار سنسيز
تبريزيم سنسيز
وطنيم سنسيز
هر نه ييم
هر نه ييم
هر نه ييم سنسيز ...
(بابك قوجا اوغلو)
سنی هر شئی دن
اوستون توتارام
چیچک لردن
گوللردن
بولاق ـ بولاق
آخان سولاردان
اؤزمدن ده اوستون توتارام سنی من ...
او آن دا
قوللاریمدا یاشایارسان دئیه
یاشایارام من ده
گؤزلرینده ایشیلدایان
اولدوزلار کیمی
تانری جیغیم
منیم ان مقدس
یاشادیغیم رویالاردا کرچییم
سنی اوستون توتارام دئیه
گونش دن ، آی دان
گؤی لرده گزن قوشلاردان
و یئرده
دلی کیمی یاشایان اؤزومدن یئنه ...
من سنی سئویرم آرتیق دان آرتیق ...
(شعر : بابک قوجا اوغلو)
استفاده از مطالب اين وبلاگ فقط با کسب اجازه از نويسنده آن بلامانع مي باشد
در صورت لزوم مي توانيد با آدرس پستي : ايران - آذربايجان شرقي - صندوق پستي 386-51845 مكاتبه نمائيد