چكير وارليغيمي دارا گؤزلرين،

آپارير روحومو هارا گؤزلرين،

قارا بير محبس دير قارا گؤزلرين،

بوراخ گؤزلرينين حبسيندن مني.

                                   يانديريب ياخماقدا اؤد قودرتي وار،

                                    تكجه من بيليرم نه حيددتي وار،

                                   آخي، جزانين دا بير مدتي وار،

                                   بوراخ گؤزلرينين حبسيندن مني.

قالديم جاذيبه نده بيهوش كيمي يم،

مرحمت گؤزله ين باخيش كيمي يم،

قفسه سالينميش بير قوش كيمي يم،

بوراخ گؤزلرينين حبسيندن مني.

                                    گونوم ائله سندن شيكايت اؤلوب،

                                    بو سئوگي بير داستان ،حئكايت اؤلوب

                                    محبت نه واخت دان جينايت اؤلوب

                                    بوراخ گؤزلرينين حبسيندن مني.

زيندانا كؤنوللو سالديم اؤزومو،

عيبي يوخ، پاييزا دؤندر يازيمي،

من گوناه ايشله ديم آرتير جزامي،

ساخلا گوزلرينين حبس ينده مني.

                                        نصرت كسمنلي

ساغليقلار دئييلدي چيغير - باغيرلا،

اوشوين قلبينه گيرن اؤلدومو؟

گؤزوندن قلبينه دوشن جيغيرلا

آخان گؤز ياشيني گؤرن اولدومو؟!

ساغليقلاراؤزاندي...

                      سحره كيمي

چاليب اويناديلار كئف ائيله ديلر.

چيرپيب پيلله لره سون اوميديمي

قاچقينليق انسانا شرف - شان دئييل

آهي - ناله چك مك له وطن قايتماز.

آغلاماق كيشييه ياراشان دئييل

گؤز ياشي تؤكمك له وطن قايتماز.

سن ميصري قيلينجي اؤپه سن گره ك

دوشمن ين چينينه تپه سن گره ك

جسارت توخومو سپه سن گره ك

قورخاخليق اكمه كله وطن قايتماز.

آلدانما ياغينين يالان سوزونه

شمشك اول باشينا ، اوخ اول گوزونه

باغين بو اوزونده ن او بيري اوزونه

دوشمنه سؤيمه كله وطن قايتماز.

                               بهمن وطن اوغلو