آدیمی قلبیندن آتا بیلرسن

اوزاق آرزیلارا چاتا بیلرسن

مندن گؤزلینی تاپا بیلرسن

منیم تک سئوه نین اولمایاجاقدیر

بیر گون سؤنه جکدیر بو اود ، بو اوجاق

کدر یوواسی دیر بوش قالان قوجاق

دیزینه باش قویوب ، یاتان اولاجاق

باشینا دؤنه نین اولمایاجاقدیر

عؤمرونه بیر سئوگی گلر ، بیلیرم

سن ایله آغلاییب ـ گولر ، بیلیرم

کیمسه سئوینجی نی بؤلر ، بیلیرم

دردیندن اؤله نین اولمایاجاقدیر

سئوگیلیم ! عذابدان اوزاقسان هله

بیر گون ارییه رسن سن گیله ـ گیله

یاناغیندان اؤپه ن اولسادا بئله

گؤز یاشین سیله نین اولمایاجاقدیر

(نصرت کسمنلی )

باغیشلا منی کیریخمیشدیم

شعرلریمین دوروشوغونا بنزتمیشدیم سنی

دئییردیم بلکه

سطیر ـ سطیر ائشیده جکسن منی

کلمه ـ کلمه وارلیغینی دیکته دئیه جکسن منه

من یازاجاغام ، شاعیر اولاجاغام سنه

دئییردیم بلکه سن ،

آلتی میلیارد بیرینجی سئوگیم سن

باغیشلا منی کیریخمیشدیم

دومانلی گؤروندون گؤزومه

تانیمادیم کیمسن

قاریشدیرمیشدی گؤزلریم

دئییردیم بلکه ،

کیرپیکلرینی هؤرموشدوم بیر زامان

باغیشلا منی کیریخمیشدیم

سن دئییلمیشسن گومان !

(ائلناز ایسلام وند )

بعضاً بولاق کیمی قایناییب جوشور

 سن ناز ایله بیر سوز دئدین ،ائی جان ، باشا دوشدوم،

اغیاره اولان مئیلینی پنهان  باشا دوشدوم.

قلبینده نه لر وار ، اونو بیگانه  دوشونمز ،

گورجک سنی ،ائی سئوگیلی جانان ، باشا دوشدوم.

مجنون ائدن عشق اهلینی کیم دیر ،نه بیلیردیم،

زولفون کی سحر اولدو پریشان ،باشا دوشدوم.

گوردوکده زنخدانینی بیلدیم کی ،او یوسیف ،

اولموش نه اوچون لایقئ – زندان ، باشا دوشدوم.

دردی غمئ – هیجرانه چتین لیک یئری یوخموش ،

بوموشکولو گولمک قیلیر آسان ، باشا دوشدوم.

گول اوزلو گوزهل بیر صنیمین اولدوم اسیری،

بولبول کی ، ائدیر ناله وافغا ن، باشا دوشدوم.

سوردوم ، ساغالان درد دئییل  عشق بلاسی ،

اولمک دیر اونون چاره سی آسان ، باشا دوشدوم.

واحید ، اگر امیدئ – وصال ائیلمه سه یدیم ،

ییخمیشدی منی محنت وهیجران باشا دوشدوم.

(علی آغا واحید)

کونلوم یئنه بولبول کیمی شیدای وطن دیر ،

مجنون ائدن عاشیق لری لئیلای   وطن دیر.

یوزلرله گوزه ل عاشیقی اولسام دا من ، اما

قلبیم یئنه ده عاشیقئ – سئودای وطن دیر .

دونیایه گوزه للیک وئرن ، البته ،گونش دیر ،

اونداندا گوزه ل خلقه تجلای وطن دیر .

قویماز بو مقدس یئره بیگانه تو خونسون ،

هر کس کی ، صداقتلی دیر ، ابنای وطن دیر

تعریفئ- بهشت ائیلمه سین خلقیمه هئچ کس

جنت ده بهشت ده بیزه صحرای وطن دیر.

واحید ،ائله ظن ائیله کی ، من یوسیفی- عصرم،

معشوقه منه عشقئ –زولیخای وطن دیر.

(علی آغا واحید)

سون یازی

عزیز اوخوجولار - سئویملی یولداشلار !

گوزونوزون اونونده اولان بو دیکلمه عزیز شاعیریمیز مدینه گولگون دن دیر . بو دیکلمه ایله من بو وئبلاگدا چالیشماغیما سون قویوب و بو اورک ائویمی بیر عزیز یولداشیما تاپشیراجاغام . آرا سیرا هردن بورادا سیزلره قوناق اولسام دا آنجاق هر زامان سیزین یادینیزدا اولوب سیزین خیالینیزلا یاشایاجاغام . یاشاسین آذربایجان دئیه رک هامینیزدان آیریلیرام.    

 --------------------------------------------------------------------------------------------------------------

بو شعری منیم سسیمله دینله یین (ِِDownload Now)

( شعر : مدینه گولگون )

یول گئدیــرم اردبیلــــه

های سالام درده بیله

من چالام یار اوخویــا

تئل بیله پرده بیله ...

تبریزیم کیمی هر یئردن چوخ سئودیییم اردبیله ایتحاف !!!