بو شعری منیم سسیمله دینله یین ( این شعر را با صدای من بشنوید )

سجده دیر هر یئرده بیر بت گؤرسم آئینیم منیـــــــــم

خواه کافر ، خواه مؤمن توت ، بـــــودور دینیم منیم

باغبان ، شمشاد و نسرینین منه عـرض ائتمه کیم ،

اول قد و رخسار دیر شمشـــاد و نســــــرینیم منیم .

خاک درگاهین نظـردن سورمـــــــه ای سیلاب اشک

قیلما ضایع سرمــــــــــه چشـــــــم جهــان بینیم منیم

اشک موجی گزدیرر هر یان تن خاشــــــــا کــــــیمی

ممکن اولماز اشک تحریکی له تمکینیــم منیـــــــــم

چاره اومدوم لعل شیــــرینین دن اشک تلخیمـــــــــه

اوندان آرتیق دیر مگر عشق ایچره تمکینیم  منیم ؟

ای فضولی ، هــــــــــر یئتن طعن ائیلر اولدو حالیمه

بو یئتر اهل ملامت ایـــــــچره تحسینیـــــــــــم منیم .

(فضولی )

ایسته ییرسینیز بورادا یاییلان دیکلمه لری یوخاری کئیفیت له سی دی اوستونده بورادا ساتیشا قویاق ؟ لوطفا باخیشلار بؤلومونده یازین .

(آیا مایل هستید که دیکلمه های موجود در سایت را با کیفیت بالا و بر روی سی دی در اینجا به فروش بگذاریم . لطفا در قسمت نظرات بنویسید )

؟

سن یاریمین قاصیدی ســـن

ایلش سنه چای دئمـــــــیشم

خیالینـــــــی گؤندریـــــب دی

بس کی من آخ وای دئمیشم

آخ گئجه لر یاتمامیشــــــام

من سنه لای ـ لای دئمیشم

سن یاتالی من گؤزومــــه

اولدوزلاری سای دئمیشـم

هرکس سنه اولدوز دئیـــه

اؤزوم سنه آی دئــــــمیشم

سندن سونرا حیــــــاته من

شیرین دیسه زای دئمیشـم

هر گؤزلدن بیر گول آلیــب

سن گؤزله پای دئمیشــــــم

سنین گون تک باتمــاغینی

آی باتانا تـــــای دئمــــــیشم

ایندی یایـــا قـــیش دئییــــرم

سابیق قیشــا یای دئمــــیشم

گاه تویونو یـــــاده ســـــالیب

من دلی نــای ـ نــای دئمیشم

سونـرا یئنه یاســــــــه باتیب

آغلاری های ـ های دئمـیشم

اتک دولـــــو دریــــا کیمــــی

گؤز یاشیما ، چای دئمـــیشم

عؤمره سورن من قارا گون

آخ دئمیشم ، وای دئمیشم ...

(اوستاد محمد حسین شهریار )

بو شعری منیم سسیمله دینله یین ( این شعر را با صدای من بشنوید )

گؤزلیم !
سئومه یه جک ایدین سه
ندنسه گؤزلریمه توخونماق ایسته دین ؟ !
بلکه ده سن دئییلمیش سن
بلکه ده من
کابوس لار ایچینده
سئومیشم سنی .

بیر غریب آخشامین
غریب یولچوسو
بیر دلی شهرین ، دلی بالاسی
آه ...
سنی سئویرم .

باخمازسان اوزومه
گئدیرم اینان
لاپ بو یوللاردا
منی ساخلاماز
لاپ بو شهرده آنلاماز منی
آه ...
لاپ دلی جه سینه
اونوتسان منی
سئویرم ، گؤزلیم ، سئویرم سنی .

گئجه ...
تبریز ...
من ...
و ...

ندن سئومه یه جکسن منی ؟

گئدیرم ...
گئدیرم ...
« گؤروشه قدر » !

(بابک قوجا اوغلو)

هله قلبیمیزده خاطیـــــــــره ایزی

هله آیریلیغین نملی دیـــــر گؤزو

هله کی سئویریک بیرـ بیریمیزی

باشقا بیریسینی سئوه بیلمزســـن

گؤر نئچه نغمه نین بسته سی قـــــالیب

بو اوجاق سؤنوب سه توستوسو قالیب

الینده الیمین ایستــــی ســــــی قـــــالیب

باشقــــــــا بیریسینی سئـــــوه بیلمزسن

اینجیدیب قلبیمـــــــــــــه دیه بیلمیرسن

یولونو بیر یوللوق ایه بیلمیـــــــــرسن

منه « یوخ » سؤزونو دئیه بیلمیرسن

باشقا بیریسینــــــــی سئوه بیلمزســـن

ایل کئچیر ، عؤمورده خاطیره قالیر

باهار گوللریمیز غنچه ده سولـــور

هلــــه کی گؤزلرین منی آختاریــــر

باشقا بیریسینی سئــــــوه بیلمزسن

آخار گؤزوموزون یاشی قورومــــاز

دئییردیک بو ایلقار پئیمان پوزولماز

بئله سئوه ـ سئوه آیریلیق اولمـــــاز

باشقا بیریسینی سئـوه بیلمزسن ...

(نصرت کسمنلی )